Philippines at the FIBA Basketball World Cup

Lalaban ang ating Gilas Pilipinas sa 2019 FIBA Basketball World na gaganapin sa Tsina sa darating na August 31. Ito ang ikalawang-sunod na pagsali ng Pilipinas sa torneong ito matapos ang 2014, na ginanap naman sa Espanya (ika-anim na sali ng Pilipinas mula noong 1954).

Magbalik-tanaw tayo sa mga nakamit ng Pilipinas sa FIBA Basketball World Cup.

Unang sumali ang Pilipinas sa torneong ito noong 1954, na ginanap sa Rio De Janeiro sa bansang Brazil. Dito nakamit ng ating koponan ang bronze medal, pinakamataas sa torneong ito para sa Pilipinas.

Muling sumali ang Pilipinas sa pandaigdigang torneong ito noong 1959, na ginanap naman sa bansang Chile. Subalit nagtapos ang ating koponan sa ika-8 pwesto.

Sa 1974 FIBA Basketball World Cup na ginanap sa Puerto Rico, sumali ang Pilipinas makalipas ang 15 taon. Ito ay matapos talunin ang koponan ng Timog Korea sa finals game ng 1973 ABC Championship (ngayo'y FIBA Asia Cup). Subalit sa World Cup, nagtapos ang Pilipinas sa ika-13 pwesto, na may 2 panalo lamang at 6 na talo.

Noong 1978, sa kauna-unahang pagkakataon, idinaos sa Pilipinas ang FIBA Basketball World Cup. Ito ay ginanap sa Rizal Memorial Coliseum at sa Araneta Coliseum. Ngunit sa kasamaang-palad, walang nasungkit na panalo ang ating koponan, na nagtapos sa ika-8 pwesto.

Makalipas ang 36 na taon, muling nakabalik sa pandaigdigang torneo ang Pilipinas noong 2014. Ito ay matapos talunin ng ating Gilas Pilipinas ang koponan ng Timog Korea sa semifinals ng 2013 FIBA Asia Championship, na ginanap sa Mall of Asia Arena, dito sa Pilipinas. Ngunit silver medal ang nakamit ng ating koponan matapos mabigong talunin ang Iran sa finals.

Sa 2014 FIBA Basketball World Cup, natapos ang karera ng Gilas Pilipinas sa ika-21 pwesto, matapos matalo sa mga koponan ng bansang Croatia, Greece, Argentina, at Puerto Rico. Ngunit nakasungkit tayo ng panalo kontra sa Senegal.

Sa darating na 2019 FIBA Basketball World Cup ay makakalaban naman natin ang mga naglalakasang koponan ng Italya, Serbia, at Angola. At sa taong 2023, isa ang Pilipinas sa mga magho-host ng pandaigdigang torneong ito, kasama ang Hapon at Indonesia.

Narito ang buong roster ng koponan ng Pilipinas sa mga dumaang FIBA Basketball World Cup:

PHILIPPINES ROSTER - 1954 FIBA BASKETBALL WORLD CUP (BRAZIL)

3 Lauro Mumar (Captain)

4 Francisco Rabat

5 Napoleon Flores

6 Mariano Tolentino

7 Benjamin Francisco

8 Rafael Barretto

9 Ponciano Saldaña

10 Florentino Bautista

11 Ramon Manulat

12 Bayani Amador

13 Antonio Genato

14 Carlos Loyzaga

Head Coach: Herminio Silva

PHILIPPINES ROSTER - 1959 FIBA BASKETBALL WORLD CUP (CHILE)

3 Carlos Loyzaga

4 Ramon Manulat

5 Carlos Badion

6 Roberto Yburan

7 Alfonso Marquez

8 Kurt Bachmann

10 Constancio Ortiz

11 Geronimo Cruz

12 Eduardo Lim

13 Emilio Achacoso

14 Mariano Tolentino

15 Edgardo Ocampo

16 Loreto Carbonell

Head Coach: Virgilio "Baby" Dalupan

PHILIPPINES ROSTER - 1974 FIBA BASKETBALL WORLD CUP (PUERTO RICO)

4 Jimmy Mariano (Captain)

5 Ricardo Cleofas

6 Rogelio Melencio

7 Robert Jaworski

8 Francis Arnaiz

9 Abet Guidaben

10 Ramon Fernandez

11 Bogs Adornado

12 Yoyong Martirez

13 Manny Paner

14 Alberto Reynoso

15 David Regullano

Head Coach: Valentin Eduque

PHILIPPINES ROSTER - 1978 FIBA BASKETBALL WORLD CUP (PHILIPPINES)

4 Alex Cariño

5 Eduardo Merced

6 Federico Israel

8 Ramon Cruz

9 Federico Lauchengco

10 Cesar Teodoro

11 Bernardo Carpio

12 Nathaniel Castillo

13 Gregorio Gozum

14 Leopoldo Herrera

15 Cesar Yabut

Head Coach: Nicanor Jorge

PHILIPPINES ROSTER - 2014 FIBA BASKETBALL WORLD CUP (SPAIN)

4 Jimmy Alapag (Captain)

5 LA Tenorio

6 Jeff Chan

7 Jayson Castro William

8 Gary David

9 Ranidel De Ocampo

10 Gabe Norwood

11 Andray Blatche (Naturalized Player)

12 June Mar Fajardo

13 Paul Dalistan Lee

14 Japeth Aguilar

15 Marc Pingris

Head Coach: Vincent "Chot" Reyes

Gilas Pilipinas in 2014 FIBA Basketball World Cup in Spain.